On kúnge sozylǵan saıysta Almaty qalasy ekinshi oryndy ıelendi
Búgin Qostanaı qalasynda VII Halyq sporty oıyndary máresine jetti. Buqaralyq sport Olımpıadasy atalyp ketken básekede sońǵy bolyp qol kúres pen shaǵyn fýtbol sheberleri kim myqtyny anyqtady, dep habarlaıdy Almaty-akshamy.kz.
On kúnge sozylǵan oıyndarda Qostanaı oblysy jeńimpaz atansa, Almaty qalasy - ekinshi, Nur-Sultan qalasy 3-oryn aldy. Top jarǵan komanda men júldegerlerdi marapattaý rásimine Respýblıkalyq Sportty damytý dıreksıasy Buqaralyq sport túrleri basqarmasynyń basshysy Ǵazız Serikbaev, Qostanaı oblysy sport jáne dene shynyqtyrý basqarmasynyń basshysynyń orynbasary Elena Kıreeva qatysty.
«Búginde bul keshendi báseke sporttyń buqaralyq sıpat alýyna kóp úles qosty deýge bolady. Ár oblystyń, qalanyń túkpir-túkpirinde irikteý ótip, halyq arasynda keń tanylyp úlgerdi. Bıyl osy kezeńderden súrinbeı ótken 1200-den astam sportshy osynda óz oblysynyń namysyn abyroımen qorǵady. Tartysqa toly jarystarda el ishinen shyqqan tańdaýly sportshy ekenin pash etti. Buǵan osynda jınalǵan siz ben biz kýá boldyq.
Osy tusta bıylǵy keshendi jarysty joǵary deńgeıde uıymdastyrǵan Qostanaı oblysy ákimdigine, sonyń ishinde oblystyq sport basqarmasyna erekshe alǵys aıtamyn. Endi 4 jyldan keıin 8-shi Halyq sporty oıyndaryn túrki áleminiń rýhanı astanasy Túrkistan qabyldaıdy. Jas oblys osy mejeden túspeı, jarystyń mártebesin arttyra túsedi dep senemiz», - dedi Ǵazız Serikbaev.
Qostanaıda kelesi Halyq sporty oıyndaryn qabyldaıtyn óńir anyqtaldy. Endi 2026 jyly keshendi dodany Túrkistan oblysy qabyldamaq. Oıyndardyń jabylý rásiminde kezekti alǵan ońtústik oblystyń ókili Jazıra Múslimova kelesi oıyndardy osylaı joǵary deńgeıde ótkizýge tyrysatyndaryn aıtty. Sondaı-aq bul Túrkistan oblysynda buqaralyq sporttyń damýyna erekshe serpin beretinine toqtalyp ótti.
Aıta keteıik, Qostanaıdaǵy Halyq sporty oıyndaryna 17 komandanyń 1 200-den astam sportshysy qatysty. Olar 10 kún boıy 9 sport túri – shaǵyn fýtbol, basketbol (3h3), voleıbol (erler, áıelder), ústel tenısi, qazaq kúresi, asyq atý, toǵyzqumalaq, gir sporty men qol kúresten synǵa tústi. Sondaı-aq ár óńirden kelgen 200-ge jýyq tóreshi básekelerdiń barynsha ádil ótýine at salysty.
