Ujymdyq ımmýntıtetti saqtaýdyń mańyzdylyǵy aıtyldy
QR Densaýlyq saqtaý mınıstri Ajar Ǵınıat Úkimet otyrysynda vaksına alǵandardyń 65%-yn revaksınalaý josparda bar ekenin aıtty, dep habarlaıdy Almaty-akshamy.kz QazAqparat -qa silteme jasap.
«Koronavırýs ınfeksıasynyń taralýyna qarsy is-qımyldy kúsheıtý úshin densaýlyq saqtaý júıesine júktemeni eskere otyryp, koronavırýstyń taralýyn boljaý matrısasy qaıta qaraldy Soǵan baılanysty, sanıtarlyq-profılaktıkalyq sharalar vedomstvoaralyq komısıanyń otyrysynda engiziledi», - dedi mınıstr.
Sondaı-aq, ol ujymdyq ımmýntıtetti saqtaýdyń mańyzdylyǵyna toqtaldy.
«Sonymen qatar, ujymdyq qorǵanys pen turaqty epıdemıologıalyq jaǵdaıdy saqtaý úshin buryn KVI-ge qarsy vaksınalanǵandardyń keminde 65%-y revaksınasıamen qamtylady», - dedi vedomstvo basshysy.
Buǵan deıin Ajar Ǵınıat elimizde koronavırýsqa qatysty epıdemıologıalyq ahýaldy baǵalaý matrısasy jańa tártipte júrgiziletinin aıtqan bolatyn. «Sary» aımaqqa ótken kezde ınfeksıanyń taralý oshaǵyn oqshaýlaýǵa qatysty qosymsha sharalar qabyldanady. Bul rette bızneske júkteme túsirmeı, tıisti qadamdar júzege asyrylady. Al, «qyzyl» aımaqqa ótken kezde, óńirlerde «sary» aımaq kezinde qabyldanǵan is-qımyldarǵa qosymsha turǵyndardyń qozǵalysyn shekteý men kásipkerlik sýbektileri qyzmetine qatysty sharalar qabyldanady. Bul jumystar eki kezeń boıynsha iske asyrylady, sondaı-aq stasıonarlar men bastapqy medısınalyq-sanıtarlyq kómek mekemeleriniń júktemesi eskeriledi.