6-8 aıdan keıin aǵzadaǵy antıdene tıtrlary tómendeıdi
Reseıdegi N. F. Gamaleı atyndaǵy Ulttyq epıdemıologıa men mıkrobıologıa zertteý ortalyǵynyń dırektory ári koronavırýs ınfeksıasyna qarsy «Spýtnık V» vaksınasyn jasaýshylardyń biri Aleksandr Gınsbýrg vaksına alǵandar men koronavırýspen aýyryp alǵandar nelikten qaıta vırýs juqtyryp jatqandaryn túsindirdi, dep habarlaıdy Almaty-akshamy.kz Baq.kz agenttigine silteme jasap.
«Vaksına alǵan adamdar aýrýdy juqtyrady, sebebi delta shtamy kezinde jasýshalardyń este saqtaýy jumys istep úlgermeıdi»,-dedi dáriger jergilikti basylymǵa bergen suhbatynda.
Onyń aıtýynsha, delta shtammy jasýshalarmen ózara árekettesýdi jáne olardyń ishine ený tásilin ózgertken.
«Adam aǵzasyndaǵy antıdene tómendegen sátte vırýs jasýshalar arasyna kirip úlgeredi. Iaǵnı antıdeneler oǵan qarsylyq kórsetip úlgere almaı qalady. Koronavırýspen aýyrǵan soń arada alty-segiz aı ótkende aǵzadaǵy antıdene tıtrlary tómendeıdi. Alaıda, jasýshanyń este saqtaýy saqtalady, biraq olar vırýs engen soń ekinshi-tórtinshi kúni ǵana jumys isteı bastaıdy. Ol kezde kesh bolady»,-dedi Aleksandr Gınsbýrg.
Sonymen qatar ol vırýs bir jasýshadan kelesine erkin ótetinin aıtady, sol sebepti kóptegen jasýshany zaqymdap úlgeredi eken.
Dáriger, sol úshin qan quramyndaǵy antıdeneni tómendetpeı, jarty jyl saıyn revaksına jasap otyrýdy atap ótti.