24 jáne 25 shíldede Jambyl men Almaty oblystaryndaǵy respublıkalyq mańyzy bar avtojoldarda ekí írí jol-kólík oqıǵasy tírkeldí, dep habarlaıdy Aqshamnews.kz "QazAvtoJol" ūlttyq kompanıyasynyń málímetíne sílteme jasap.
24 shíldede tańǵy 09:40 shamasynda Jambyl oblysy, Moıynqūm audanyndaǵy Qashqanteńíz stantsıyasy mańynda ornalasqan "Astana – Qaraǵandy – Almaty" avtojolynyń 451-shaqyrymynda Toyota Alphard markaly kólík júk tıeıtín ekskavator kólígímen soqtyǵysty. Aldyn ala málímetke sáıkes, júrgízushí jyldamdyq pen araqashyqtyqty saqtamaǵan. Apat saldarynan tórt adam qaza tauyp, taǵy ekí adam jaraqat alǵan.
25 shíldede saǵat 10:15-te, Almaty oblysy, Jambyl audany, Samsy auyly mańyndaǵy KAZ-06 avtojolynyń 81+500 shaqyrymynda dál osy markadaǵy kólík traktormen soqtyǵysty. Jol jóndeu jūmystary júríp jatqan uchaskege zańsyz kíríp ketken kólík júrgízushísí belgílengen jyldamdyqty asyrǵany jáne jol erejesín būzǵany aıtyldy. Oqıǵa saldarynan alty adam kóz jūmdy. Onyń bírí jol jūmysshysy bolǵan. Taǵy ekí adam jaraqat alǵan.
Eske salaıyq, 5 shíldede Qaraǵandy oblysy, Aqshatau kentí mańynda da qaıǵyly jol apaty bolǵan edí. Kia Sedona kólígíníń júrgízushísí jol erejesín saqtamaı, jóndeu júríp jatqan aumaqqa kíríp ketíp, qorshauǵa soǵylǵan. Sonyń saldarynan kólík órteníp, jetí adam oqıǵa ornynda mert boldy.