Almaty qalasyndaǵy saýda ortalyǵynda shyqqan órt tolyqtaı sóndirildi. Bul týraly Tótenshe jaǵdaılar mınıstrliginiń baspasóz qyzmeti málimdedi, dep habarlaıdy Aqshamnews.kz.
"Mınıstrlik tehnıkasynyń kúshimen órt tolyǵymen aýyzdyqtaldy. Alǵashqy órt sóndirý bólimsheleri kelgen sátte ǵımarattyń terezelerinen qoıý qara tútin shyǵyp jatqany baıqaldy. Oqıǵa ornyna TJM-niń 57 qyzmetkeri men 15 tehnıkasy jumyldyryldy. Zardap shekkender joq", - delingen vedomstvo taratqan aqparatta.
Buǵan deıin, Almaty qalasynyń Áýezov aýdanyndaǵy eki qabatty saýda ortalyǵynyń ekinshi qabatynda ornalasqan eki býtıkten órt shyqqany týraly habarlanǵan bolatyn.