Abaı Qūnanbaıūlynyń 180 jyldyǵyna oraı Almatyda búgín erekshe tań atty. Tańǵy saǵat 9-dan bastap Abaı alańy mańynda júzdegen adam bas qosyp, qalanyń basty kósheleríníń bírí — Abaı dańǵyly boıynda úlken senbílík ūıymdastyrdy, dep habarlaıdy Aqshamnews.kz.
Būl shara respublıkalyq «Taza Qazaqstan» baǵdarlamasy ayasynda óttí. Abaı dańǵylynyń boıy – Almatynyń júregí. Bes audandy qıyp ótetín ūzyndyǵy 15 shaqyrymdyq dańǵyl búgín erekshe túrge endí. PIK, MIB, kásípkerler men qarapaıym tūrǵyndar bírígíp, qoqys jınap, aınalany retke keltírdí. Senbílík barysynda alańda túrlí ánder shyrqalyp, qatysushylar bírge án aıtyp, erekshe ruhanı bírlík sezímín bastan keshtí.
Sharanyń mańyzyna toqtalǵan Almaty qalalyq Mádenıet basqarmasynyń basshysy Ǵanı Maılybaev:
– Búgín bíz barlyq mekemeler men ūıymdardy jūmyldyryp, Abaı alańyna jınaldyq. Mūnda mádenıet salasynyń qyzmetkerlerí men ártíster ǵana emes, túrlí sala mamandary da bar. Bíz tek osy jerde ǵana emes, Abaı dańǵyly boıymen Abylaı han kóshesíne deıín tazalau jūmystaryn júrgízíp jatyrmyz. Jasyl aımaqty abattandyryp, qoqysty jınaudamyz. Būl aktsıyanyń bír rettík shara bolyp qaluyn qalamaımyn. Osyndaı ıgí bastamalar jıí ūıymdastyrylyp tūrsa eken deımín. Bízdíń basqarma «Taza Qazaqstan» baǵdarlamasynyń mánín jaqsy túsínedí jáne árdaıym belsene atsalysyp keledí. Bíz ádette tek senbílík kúnderí ǵana tazalyq jasaıtynbyz. Al shyn mánínde bízdíń qaramaǵymyzdaǵy muzeıler men mádenı mekemeler kúndelíktí negízde tazalyqpen aınalysyp keledí. Quantatyny – mūndaı ís-sharaǵa tek mádenıet salasynyń qyzmetkerlerí ǵana emes, qala tūrǵyndary da belsendí qatysyp jatyr. Meníń oıymsha, árbír azamat osyǵan jauapkershílíkpen qarap, tazalyqty ózínen bastauy tıís.
Abaıdyń 180 jyldyǵyna oraı bíz osy mańdy erekshe atap ótkímíz keldí, sondyqtan senbílíktí dál osy jerden bastaudy jón kórdík. Aldaǵy uaqytta tek senbílík emes, merekelík ís-sharalar da ūıymdastyrylatyn bolady. Jyl sońyna deıín 117 shara ótkízudí josparlap otyrmyz, – dedí ol.
Būl jolǵy senbílíktíń erekshelígí – tek tazalyq jūmystary ǵana emes, mádenıet pen ónerdíń toǵysuy boldy. Tanymal ánshíler, men qoǵam belsendílerí de qolyna sypyrǵysh alyp, qatarymyzda júrdí.
Erbolat Tólegen senbílíkke degen kózqarasyn bylaı bíldírdí:
– Ár senbí saıyn bolatyn «Taza Qazaqstan» aktsıyasyn bíz qoldaımyz. Búgíngí senbílíktí Abaı dańǵylynan bastap otyrmyz. Meníń ónerde júrgen áríptesterím de osynda. Balalaryma da únemí senbílíkke qatysudyń mańyzyn aıtyp otyramyn. Ótken senbíde úlken ūlymmen bírge qatystym, bíraq búgín oquyna baılanysty kele almady, – dedí ol.
Al halyq súıíktísí Ashat Tarǵyn tazalyq pen ónerdí ūshtastyryp, erekshe kóńíl kúı syılady:
– Qalany taza ūstau – ózímízdíń qolymyzda. Búgín tek óner ıelerí ǵana emes, qarapaıym tūrǵyndar men túrlí mekemelerdíń ókílderí de atsalysyp jatyr. Bíz halyqpen bírge tazalyq jasap qana qoımaı, súıíktí ánderímízdí oryndap, kóńíl kúı syılaımyz, – dedí ánshí.