Almatydaǵy Ulttyq ulannyń 3650 áskerı bóliminiń sport zalynda Otan qorǵaýshylar kúnine oraı ústel tenısinen ardagerler arasynda ashyq týrnır ótti. Quqyqtyq tártip áskeri ardagerleriniń arasynda uıymdastyrylyp otyrǵan jarysqa 18 sportshy ardager qatysty. Olar jas erekshelikterine qaraı eki topqa bólinip, ózara kim myqtyny anyqtady.
«Ońtústik» óńirlik qolbasshylyǵy ardagerler keńesiniń tóraǵasy Asatýlla Qulahmedovtyń aıtýynsha, týrnırdi ótkizýdegi maqsat – oryn alý emes, óskeleń urpaqqa úlgi bolý, ardager sportshylar sapasyn jaqsartý, salaýatty ómir saltyn qalyptastyrý. Sondaı-aq ústel tenısiniń jasqa shekteý joqtyǵyn kórsete otyryp, bul sport túrin nasıhattaý.
Qazirgi kezde ardagerlerimiz jastarymyzdy otansúıgishtikke, adamgershilik pen rýhanı turǵydan tárbıeleý jolynda óz úlesterin qosyp keledi. Búgingi týrnır ardagerler men Ultyq ulan áskerı qyzmetshileri arasyndaǵy baılanysty odan ári nyǵaıtýdyń dáleli ispetti.
Aıta keteıik, elde qarqyndy damyp kele jatqan sporttyń biri – ústel tenısi. Bul naǵyz buqaralyq oıyn. Ári ár jastaǵy adamdar úshin qol jetimdi. Qımyl qozǵalystyń tezdigi, shabýyldardyń shapshańdyǵymen, tehnıkalyq qıystyrýlardyń kenettiligimen oqıǵalardyń áserliligimen ózine qatty qyzyqtyrady.
Oıyn kezinde oıynshy jalyndy, jigerli kúshpen birge dene qozǵalysyna qosymsha kúsh beredi.
Jarysqa qatysýshy ardagerler arasynda eń egde tartqan shaǵyn raketka sheberleriniń jasy 85-ti qurady. Týrnırge qatysýshylar joǵary deńgeıdegi sheberlik pen sporttyq rýhty kórsetti.
Tartysty ótken saıys qorytyndysy boıynsha úzdik oıyn órnegin kórsetken 60 jasqa deıingi ardager tenısshiler arasynda I oryndy Rýslan Tynybaev, II oryndy Jandarbek Bımurzaev, III oryndy Ikram Mamedov jeńip aldy. Al 60 jastan joǵarǵy «Aýyr artılerıa» arasynda I oryndy Berik Almaǵambetov, II oryndy Ismaıl Abızov, III oryndy Erkosh Kólbaev ıelendi.