Almaty qalasynyń Jetisý aýdanynda kúrdeli jóndeý aıasynda Esentaı ózeniniń jaǵasynda, Chernovıskaıa kóshesiniń boıynda Samyrsyn kóshesine deıin jaǵalaý salý jumystary bastaldy. Jaǵalaýdyń jalpy uzyndyǵy 1200 metr.
Rekonstrýksıalaý aıasynda ózen arnasy tazartylyp, serýendeý aımaǵy qurylady. Jańa qoǵamdyq keńistikte 3700 m2 tósenish tóseý, 230 m2 turaq ornatý, sondaı-aq 6850 m2 jerdi kógaldandyrý josparlanǵan. Sondaı-aq uzyndyǵy 1,2 shaqyrym bolatyn 120 jaryqtandyrý tiregin ornatý josparlanǵan. Kelýshilerdiń jaılylyǵy úshin 50 oryndyq pen qoqys jáshigin ornatý josparlanyp otyra. Osylaısha 2 yńǵaıly sanıtarlyq torap ornatylady.
Balalar men sport alańdary bar jańa qoǵamdyq keńistik qurý, skeıt alańyn, jaıaý júrginshiler joldaryn jáne ózen jaǵasynda demalý múmkindigi bar alańdy jaılastyrý jobanyń mańyzdy bóligi sanalady. Átkenshek, syrǵanaq jáne órmeleý sıaqty ashyq oıyn elementteri balanyń motorıkasy men fızıkalyq belsendiligin arttyrady.
Kópir ótkelderin qaıta qurý jaıaý júrginshiler men velosıpedshiler úshin qaýipsizdik pen qoljetimdilikti qamtamasyz etýge baǵyttalǵan. Trotýarlar men velosıped joldaryn ornatý qarastyrylǵan, avtomatty sýarý da salynady.
Jańa qoǵamdyq keńistik ózen jaǵasyn qala aýmaǵyndaǵy biregeı tabıǵı saıabaqqa aınaldyrady. Qurylys jumystaryn 2024 jyldyń ekinshi toqsanynyń sońyna deıin aıaqtaý josparlanyp otyr.
Esterińizge sala keteıik, 8 sáýir men 8 mamyr aralyǵynda Almatyda «Almaty – bizdiń ortaq úıimiz» naýqany ótip jatyr. Árbir turǵyn qalanyń damýy men abattandyrylýyna óz úlesin qosa alady.
Barlyq aqparat almaty.kz saıtynda, Almaty ákimdiginiń áleýmettik jelilerinde ornalasqan. Sondaı-aq, veb-saıtqa arnaıy QR-kod arqyly qala boıynsha ornalastyrylǵan bannerlerde, plakattarda jáne afıshalarda kirýge bolady.
Naýqannyń belsendi qatysýshylaryna arnalǵan áleýmettik jelidegi heshtegter: #AlmatyNashObshııDom, #NasMnogoGorodOdın, #AlmatyBizdińOrtaqÚıimiz, #BizKóppizQalajalǵyz.