QTJ «Jolaýshylar tasymaly» AQ ókilderi men Sıan qalasynyń (QHR) úkimetiniń delegasıasy Sıan qalasynan Almatyǵa halyqaralyq týrısik jolaýshylar poıyzyn shyǵarýdy uıymdastyrý máselesin talqylady.
Týrısik poıyz Úrimshi – Almaty-2 baǵytyndaǵy №103/104 jolaýshylar poıyzynyń kestesi boıynsha «Qorǵas-Altynkól» shekara ótkelinen ótedi, dep habarlaıdy Almaty-akshamy.kz.
«Poıyz Almaty-2 stansıasynda birneshe kún bolady. Osy ýaqyt ishinde Qazaqstan tarapy jolaýshylar úshin temirjol vokzalynda qaýipsizdik sharalaryn qamtamasyz etip, mádenı-kópshilik is-sharalardy uıymdastyrýǵa járdemdesedi», dep habarlady «Jolaýshylar tasymaly» AQ baspasóz qyzmeti.