Ol áskerı ushaqty ornynan qozǵap, 1 metrge deıin jyljytty.
Almatylyq sportshynyń bul kórsetkishi Qazaqstan rekordtar kitabyna enip, elimizde ushaq súıregen alǵashqy adam boldy, dep habarlaıdy Almaty-akshamy.kz Almaty arnasyna silteme jasap.
Almat Jumanov osymen úshinshi ret eldiń rekordtar kitabyna enip otyr. Ol salmaǵy 24 jarym tonna áskerı ushaqty ornynan qozǵap, Qazaqstannyń rekordtar kitabyna endi.
Almat Jumanov ushaqty 6 metrge deıin jyljytamyn dep josparlaǵan. Alaıda buǵan deıin alǵan jaraqaty syr bergen.
Qazaqstan rekordtar kitabynyń ókilderi bul nátıjeni resmı túrde tirkep, esepke aldy.
«Maqsatym – qazaq halqynda osyndaı myqty jigitter bar ekenin sheteldikterge kórsetip, elimizdiń atyn shyǵarý. Olar bizdi kórip, eliktesin. Internetke kirseń, sheteldikterdi kóresiń. Sol jaǵynan damytqym, kórsetkim keledi», - dedi Almat Jumanov.
Qazaqstandyq osymen úshinshi ret eldiń rekordtar kitabyna enip otyr. Buǵan deıin ol salmaǵy 108 tonna vagon tartqan. Artynsha 4 tonna bolatyn 3 kólikti beline tirkep, 280 kelilik túıeni 13 metrge deıin súıredi.
«Naýryz meıramynda osy ushaqty 6 metrge súıregen eken. Sony qaıtalaımyn dep bizdi shaqyryp edi. Biraq 6 metrge jetpedi. Qazaqstanda alǵashqy kórsetkish bolyp tirkeldi», - dedi Qazaqstan rekordtar kitabynyń resmı ókili Baqytjan Tastúlekov.
Almat Jumanovtyń kelesi maqsaty – salmaǵy 300 tonna vagon súırep, álemdik Gınnestiń rekordtar kitabyna ený.