Buǵan deıin jol qatynasy pandemıaǵa baılanysty úzilgen.
Omby oblysy úkimetiniń baspasóz qyzmetiniń habarlaýynsha, sáýirden bastap Ombydan Pavlodar, Kókshetaý, Petropavl jáne keri baǵytta avtobýs reısi qaıta jandanady, dep habarlaıdy Almaty-akshamy.kz
«Omskoblavtotrans» AQ Qazaqstan Respýblıkasyna halyqaralyq baǵyttarǵa qyzmet kórsetýdi qalpyna keltiredi. Reıster kúndelikti oryndalady.
Ombydan Pavlodarǵa deıin jol júrý quny - 1400 rúbl nemese 7733 teńge. Ombydan Kókshetaýǵa deıin jol júrý quny - 953 rúbl nemese 5264 teńge. Ombydan Petropavlǵa deıin jol júrý quny - 550 rúbl nemese 3038 teńge.
Qazaqstanǵa kirý úshin shekaradan ótken kezde 72 saǵattan keshiktirmeı berilgen koronavırýsqa teris nátıjesi bar anyqtama usyný qajet.
Reseıdiń bas memlekettik sanıtarlyq dárigeriniń sheshimine sáıkes, EAEO elderiniń, onyń ishinde Qazaqstan Respýblıkasynyń azamattary Reseıge qurlyqtaǵy ótkizý pýnktteri arqyly keletin azamattarǵa koronavırýstyq testileýden ótip, tıisti saýalnama toltyrýdyń qajeti joq.