US Open týrnırinde qazaqstandyq tenısshilerdiń qarsylastary belgili boldy, dep habarlaıdy almaty-akshamy.kz.
Jekeleı synda áıelder arasyndaǵy jarysqa Qazaqstannan tórt tenısshi qatysady. Elimizdiń birinshi, álemniń 20-raketkasy Elena Rybakına alǵashqy aınalymda dúnıejúzilik reıtıńte 99-orynda turǵan Belarýs ókili, tájirıbeli sportshy Aleksandra Sasnovıchpen kezdesedi. Álemniń 33-raketkasy Iýlıa Pýtınseva reıtıńte 70-oryndaǵy taǵy bir tisqaqqan oıynshy, 36 jastaǵy estonıalyq Kaııa Kanepımen kúsh synasady. Reıtıńte 110-orynda turǵan Zarına Dıasqa álemniń 73-raketkasy, jýyrda 20 jasqa tolatyn amerıkalyq Amanda Anısımova qarsylas atandy. Qazaqstan áıelder quramasynyń kapıtany, reıtıńte 449-satydaǵy tájirıbeli Iaroslava Shvedova álemniń 98-raketkasy, ıtalıalyq Iasmın Paolınımen kortqa shyǵady.
Erler arasynda Qazaqstannyń birinshi, álemniń 37-raketkasy Aleksandr Býblık alǵashqy aınalymda reıtıńte 134-satydaǵy germanıalyq Iannık Hanfmannyń shamasyn baıqap kóredi. Eger M.Kýkýshkın irikteý saıystarynyń fınalynda qarsylasyn utsa, negizgi dodada da baǵyn synaıdy.