Baǵy janǵan fýtbolshy
Álemdik fýtbol tarıhynda esimi altyn árippen jazylatyn eki aıaq dop sheberi bolsa, sonyń biri – Messı. Sarapshylardyń pikirine súıensek, bala kúninde kóp qıynshylyq kórgen balalar óskende úlken maqsattarǵa jetedi eken. Óıtkeni, ábden ysylyp, ómirdiń barlyq soqpaǵynan ótkender eseıgen shaǵynda kez kelgen jaǵdaıǵa daıyn bolatyn kórinedi. Oısha baǵamdar bolsańyz, árbir jetistikke jetken adam únemi ózin jetildirgeni baıqalady. Máselen, jastaıynan ata-anasyna járdemdesip qolǵanat bolady. Sonymen qatar aınalasyna janashyr bolyp keledi. Ol jannyń boıynda adamzatqa degen ishki qurmeti men dúnıeni tanyp-bilýge qatysty energıasy mol bolady. Osylaısha aınalasyna shýaǵyn shashyp júredi. Búgingi bizdiń keıipkerimizde osy atalǵan qasıetterdiń barlyǵy bar. Sol sebepti de keltirilgen mysaldarǵa arnaıy toqtalyp, qysqasha aıtýdy jón sanadyq.
Argentınalyq Lıonel Andres Messı dúnıe júzindegi eń úzdik, eń myqty kásipqoı fýtbolshy. Jaryq juldyz, ala doptyń sýper sheberi týraly 5 qyzyqty derekpen bólisemiz:
* Messıdiń tuńǵysh kelisimsharty qol súrtetin qaǵazǵa jasalǵan. Onyń ákesi Horke Barselona dırektory Karlos Rekshasqa jyldam qol qoıýdy ótingen. Meıramhana daıashysynan qol súrtetin qaǵaz surap, kelisim shartty soǵan jasaǵan.
* 2004 jyly 16 qazanda Lıonel Messı Barselona sabynda Espanolǵa qarsy óner kórsetip kózge túsedi. Sol jyly 17 jasynda Ispanıa birinshiliginde kámeletke tolǵannan keıin beriletin «eń úzdik jas fýtbolshy» ataǵyn ıemdenedi.
* Ol álemdegi fýtbolshylar alatyn eń bastysy nomınasıa – «Altyn dopty» 6 ret, «Altyn býtsydy» 3 márte alǵan birden-bir rekordshy.
* Argentınalyq tanymal CULE sport basylymy jerlesteriniń qurmetine gazettiń atyn ózgertip bir ret LEO dep shyqqan.
* Sarapshylar onyń sol aıaǵynyń eptiligin Maradonanyń aıaǵymen salystyrsa, jyldamdyǵyn Kroıf pen Ronaldınoǵa teńestiredi. Messı óziniń sporttyq karerasynda 642 artyq oıyn ótkizip, 550 astam gol soqqan naǵyz talant ıesi.