Aqtóbede Halyqaralyq kólik-gýmanıtarlyq ýnıversıteti ókildiginiń jetekshi mamany alaıaqtyqpen ustaldy, - dep habarlaıdy aqshamnews.kz "Dıapazonǵa" silteme jasap.
Belgili bolǵandaı, áıel stýdent atanǵysy kelgenderden oqýǵa aqsha alyp, óz qalaýy boıynsha jumsaǵan. 47 jastaǵy aıyptalýshynyń qylmystyq isinde 25 epızod bar. Ol ózin oqý ornynda ádisker retinde tanystyryp, qabyldaý jarnasyn onyń jeke bank shotyna aýdarýǵa nemese qolma-qol berýge bolatynyn aıtqandyǵy týraly sotta belgili boldy.
«Sonymen, jábirlenýshilerdiń biri oǵan bir jarym mıllıon teńgege jýyq aqsha tólegen, biraq keıin onyń ýnıversıtet stýdenti retinde tirkelmegeni belgili boldy. Dál osyndaı áıeldiń quıtyrqy áreketine aldanyp qalǵan ózge de adamdar 100 myńnan bir jarym mıllıonǵa deıingi qarjynyn aýdarǵan. Bir jarym mıllıon aqshany aýdarǵandar birneshe jyldyń oqý aqysyn tólep jatyrmyz dep oılaǵan. Alaıda az ýaqyttan soń bul aqshalar ýnıversıtet shotyna túspegenin biledi», - dep jazady basylym.
Alaıaqtyq jasady dep aıyptalýshy óz kinásin moıyndamady. Ol ýnıversıtettiń Aqtóbe fılıalyn kúıeýi basqaratynyn, onyń barlyq aýdarymdardan habardar bolǵanyn, al zardap shekkenderden túsken aqshany kúıeýi men onyń ata-anasy óz qajettilikteri úshin jumsaǵanyn, onyń ózi bul qarajatqa ruqsaty bolmaǵanyn aıtqan.
«Sotta sottalýshynyń kúıeýinen de jaýap alyndy. Ol áıeliniń stýdentterden aqsha alǵany týraly eshteńe bilmeıtinin jáne qaryz týraly ýnıversıtettiń bas keńsesinen qońyraý shalǵannan keıin bilgenin aıtty», - delingen materıalda.
Nátıjesinde sot áıeldi alaıaqtyq jasaǵany úshin kináli dep tanyp, aqshany jábirlenýshilerge qaıtarýdy mindettedi jáne 3 jylǵa bas bostandyǵynan aıyrdy. Keıin oblystyq sottyń qylmystyq alqasy sottalýshyǵa bas bostandyǵynan aıyrý jazasyn shartty túrde 3 jylǵa probasıalyq baqylaý belgileý bas bostandyǵyn shekteý jazasyna ózgertti. İs apelásıalyq tártipte qaralǵan kezde sottalýshy ókinip, barlyq jábirlenýshilerge keltirilgen zıandy óteýine baılanysty jaza jeńildetildi.
Sot qaýlysy zańdy kúshine endi.