2 mıllıard doza vaksına aldy
Úndistan turǵyndary koronavırýstyq ınfeksıaǵa qarsy álemdegi eń iri vaksınasıa baǵdarlamasy kezinde 2 mıllıard doza vaksına aldy. Bul jetistikpen halyqty Premer-Mınıstr quttyqtady, dep habarlaıdy Almaty-akshamy.kz.
COVID-19 taralýyna jol bermeý jónindegi vedomstvoaralyq komısıanyń málimetinshe, Úndistanda 18 aı buryn koronavırýsqa qarsy jalpyulttyq tegin vaksınasıa naýqany bastaldy. Qazirgi ýaqytta eresek turǵyndardyń 98%-y vaksınanyń kem degende bir dozasyn aldy, 90%-y tolyq egildi. Vaksınalardy 12 men 18 jas aralyǵyndaǵy úndisterdiń 80%-dan astamy aldy. Vaksınasıalanǵan balalardyń sany Úndistanda 50 mıllıonnan asty.
«Eýropada juqtyrýdyń kezekti ósýi jalǵasýda. Qazir eń joǵary kórsetkishter Germanıada, onda kúnine 140 myńnan astam jaǵdaı tirkeledi, bul - eldegi naýryz aıynyń sońynan bergi eń joǵary kórsetkish. Sonymen qatar, ótken aptada aımaqta aýrýshańdyq boıynsha birinshi oryn alǵan Fransıada qazir azdap tómendeý baıqalady - kovıd 120 myń turǵynda tirkelgen. Italıada kórsetkishter shamamen birdeı deńgeıde», - dep jazdy komısıa.
Latyn Amerıkasy elderinde ınfeksıanyń taralý qarqyny turaqtandy. Máselen, Meksıkada ótken aptada, aldyńǵy uqsas kezeńdegideı, kúnine 30 myńǵa jýyq jaǵdaı tirkeldi, bul aqpan aıynyń deńgeıine sáıkes keledi. Eń joǵary kórsetkishter Brazılıada áli de bar, onda kovıd shamamen 70 myń adamnan anyqtalǵan. Infeksıa juqtyrýdyń osy deńgeıi úsh aptaǵa sozylýda.
«Birqatar Azıa elderiniń bıligi kovıdtiń jańa, jetinshi tolqyny týraly aıtýda. Ótken aptamen salystyrǵanda ósim eki esege jýyq boldy. Ońtústik Koreıada kúrt ósý baıqalady, onda kún saıyn ınfeksıa juqtyrýdyń 40 myń jaǵdaıy tirkelýde. Sonymen qatar, Úndistanda ósý toqtap qaldy - elde eki apta qatarynan 20 myńǵa jýyq turǵyn koronavıýrs ınfeksıasyn juqtyrdy», - delingen habarlamada.