Úndistan - tıisti mejege jetken ekinshi memleket
Qyrkúıektiń basynda Qytaı da osyndaı kórsetkishke qol jetkizgen. Aıta keteıik, bıyl kóktemde Úndistandaǵy epıdahýal kúrt nasharlap ketken edi. Aýrýhanalarda tynys alýy qıyndaǵan talaı naýqas ottegi balondarynyń tapshylyǵynan kóz jumdy, dep habarlaıdy Almaty-akshamy.kz
Táýliktik ósim 400 myńnan asyp ketken kezderi de bolǵan. Al qazir bul kórsetkish shamamen 15 myńǵa deıin tómendegen. Mamandar ahýaldyń jaqsarýyn vaksınalaý qarqynynyń údeı túsýimen baılanystyrady.
«Bıyl sáýir men mamyr aılarynda elimizdegi epıdahýaldyń kúrdeli bolǵany bárine málim. Sondyqtan 1 mıllıardtyq kórsetkishke qol jetkizý - biz úshin úlken jetistik. Keıbireýler sol kezderdi umytyp, endi ondaı sumdyq qaıtalanbaıdy dep oılaýy múmkin. Alaıda jaǵdaıdyń áp-sátte ózgerýi yqtımal. Sondyqtan vaksınalaý kórsetkishterin múmkindiginshe arttyra berýimiz kerek. Keıbir azamattar ekpeniń birinshi komponentin alǵannan keıin ekinshisin saldyrmaı sozyp júrip alady. Buǵan jol bermeýimiz kerek», - deıdi Úndistan qoǵamdyq densaýlyq saqtaý qorynyń prezıdenti Srınat Reddı.