Tórt boksshymyz fınalǵa ótti
Tashkentte erler arasynda ótip jatqan bokstan álem chempıonatynda ulttyq qurama kapıtany Aslanbek Shymbergenov fınalǵa shyqty, dep habarlaıdy Almaty-akshamy.kz QazAqparatqa silteme jasap.
Azıa chempıony Aslanbek Shymbergenov 71 kelige deıingi salmaqta úndistandyq Dev Nıshantpen rıngke shyqty.
Birinshi raýndta bes tóreshiniń úsheýi qazaqstandyq boksshyǵa basymdyqty berdi. Ekinshi kezeńde eshteńe ózgergen joq. Aqyry ol upaı sanymen jeńiske jetti.
Búgin endi Qazaqstannan Nurbek Oralbaı fınalǵa shyǵý úshin talasady.
Eske sala keteıik, budan buryn qazaqstandyq bes boksshynyń álem chempıonatynyń fınalyna shyǵý úshin talasatynyn jazǵan bolatynbyz.
Sondaı-aq Qazaqstan quramasynan alǵashqy bolyp Sanjar Táshkenbaı álem chempıonatynyń fınalyna shyqty.
Sonymen birge Mahmud Sabyrhan men Dýlat Bekbaýov ta - fınalda.