Almaty qalasy Bostandyq aýdanyndaǵy saılaý ýchaskesinde qala turǵyndary saılaýǵa belsendi qatysýda. Saıası naýqanǵa qatysýshylardyń kóńil-kúıi óte tamasha. Saılaýshylardyń biri osy aýdannyń turǵyny Qarabı Muhambetqalı myrza. Ol óziniń saılaý týraly pikirimen bólisti, - dep habarlaıdy almaty-akshamy.kz
– Búgin tamasha kún, búkil halyq bolyp saılaýǵa qatysyp jatyrmyz. Jurtymnyń judyryqtaı jumylǵanyn kórýdiń ózi zor baqyt. Ózim uzaq jyldar ulttyq qaýipsizdik, qarjy mınıstrligi jáne basqa da memlekettik qyzmetterde eńbek ettim, ásker shenim – polkovnık. Qazir zeınet jasyna kelsem de, elimizde bolyp jatqan saıası jańalyqtardy qalt jibermeı qarap otyram. Prezıdentimiz Qasym-Jomart Toqaevtyń Jańa Qazaqstan qurý bastamasyn qos qoldap quptaımyn. Bizdiń elimizdiń órkendeýi úshin qulshynyspen jumys isteıtin jas mamandar qajet. Búgin men óz tańdaýymdy jasadym. Halyq pen bılik arasynda senim nyǵaıa túsedi dep úmittenem. Barsha qazaq halqyn áz Naýryz merekesimen quttyqtaımyn! - dedi zeınetker.