Memleket basshysy Qasym-Jomart Toqaev «Ádiletti Qazaqstan: zań men tártip, ekonomıkalyq ósim, qoǵamdyq optımızm» atty Joldaýynda sport salasyndaǵy zańnamany jańartýdy tapsyrdy.
«Barshańyzǵa málim, men buqaralyq sportty damytýǵa erekshe mán berip otyrmyn. Jastarymyz deni saý, myqty azamat bolyp ósýi kerek. Sondyqtan ult saýlyǵyn saqtaý úshin buqaralyq sporttyń mańyzy aıryqsha. Jaqynda men Olımpıadaǵa qatysýshylarmen kezdestim, sporttaǵy naqty mindetter men basymdyqtarǵa toqtaldym. Shyn máninde, bul saladaǵy zańnamany jańartatyn kez keldi dep oılaımyn», - dedi Memleket basshysy.
Prezıdent atalǵan zańǵa engiziletin ózgertýler buqaralyq sport pen balalar sportyn damytýǵa zor serpin beretini aıtty.
«Sondaı-aq bolashaq jeńimpazdar shoǵyryn daıarlaýǵa jol ashady. Depýtattar osy mańyzdy zań jobasyna aıryqsha mán bergeni jón dep sanaımyn», - dedi Qasym-Jomart Toqaev.