Aınalma jol boıynda dınamıkalyq ólsheý júıesi (WIM) qoldanylatyn bolady.
Respýblıkalyq mańyzy bar jol qurylysy nysandaryn tekserý aıasynda QR Indýstrıa jáne ınfraqurylymdyq damý vıse-mınıstri Almaz Ydyrysov Úlken Almaty aınalma jolyna bardy, dep habarlaıdy Almaty-akshamy.kz.
I A tehnıkalyq sanattaǵy avtojoldyń jalpy uzyndyǵy 66 shaqyrymdy quraıdy. ÚAAAJ jobasyn «Alsım Alarko-Makıol – SK Ekoplan – Koreıa Ekspressveı» túrik-koreı konsorsıýmy júzege asyrýda.
«Birinshi kezekte, ÚAAAJ qurylysynyń maqsaty qala kóshelerin tranzıttik kólikten túsirý bolyp tabylady. Ony jobalaý kezinde, álbette, almatylyqtardyń pikiri eskerildi. ÚAAAJ azamattarǵa yńǵaıly bolý úshin salynýda. Qazirgi ýaqytta barlyq uzyndyqta tolyq aýqymdy jumystar júrgizilip jatyr. Jumystardy ýaqytyly jáne sapaly oryndaý bizdiń mınıstrliktiń erekshe baqylaýynda», - dep atap ótti vıse-mınıstr.
Jumys sapary barysynda Almaz Ydyrysov Almaty oblysy ákiminiń birinshi orynbasary Lazzat Turlashovqa birqatar tapsyrma berip, jergilikti mańyzy bar joldar jelisi úshin jaýapkershilik ákimdiktiń moınynda ekenin eske saldy. QR IIDM vıse-mınıstri aǵymdaǵy jyldyń sońyna deıin negizgi jumystardy aıaqtaý maqsatynda qurylystyń joǵary qarqynyn saqtaýdyń mańyzdylyǵyn atap ótti.
Aıta keterligi, aınalma jol boıynda dınamıkalyq ólsheý júıesi (WIM) qoldanylatyn bolady. Atalǵan tehnologıa kóliktiń salmaǵy men ólshemderin tolyq toqtaýsyz ólsheýge múmkindik beredi. ÚAAAJ negizgi paıdalanýshylary aýyr salmaqty tranzıttik kólik quraldary bolatyndyǵyn nazarǵa ala otyryp, avtomattandyrylǵan ólsheý júıesin engizý avtojoldy paıdalaný merzimin aıtarlyqtaı ulǵaıtýǵa múmkindik bermek.
Qazirgi ýaqytta qurylys nysanynda 1652 adam men tehnıkanyń 541 birligi jumyldyrylǵan. 51 shaqyrymda jer jumystary oryndaldy, 52 shaqyrymda tómengi qabat tóselip, 10 shaqyrymda qıyrshyq tasty-mastıkalyq asfáltbeton jabynynan joǵarǵy qabat salyndy.
Bul jobada qıyrshyq tasty-mastıkalyq asfált onyń ónimdiligi men tozýǵa tózimdiligine baılanysty qoldanylýda. Álemdik tájirıbede ol qozǵalys qarqyny joǵary joldarda berik jol jamylǵysy retinde qoldanylady. Sonymen qatar, ol, ásirese, jazdyń ystyq mezgilinde, joltabandarǵa qarsy óziniń tıimdiligin dáleldedi.
Budan bólek, kópirler salý jumystary 96%-ǵa oryndaldy. Elektrmen jáne gazben jabdyqtaý jelileriniń 179 danasy shyǵaryldy. Sondaı-aq, 106 sý ótkizý qubyry salyndy.
Mamandardyń esepteýinshe, Úlken Almaty aınalma jolynyń qurylysy megapolıs kóshelerin 60%-ǵa jeńildetip, ekologıalyq jaǵdaıdy jaqsartpaq. Sharttyń talaptaryna sáıkes jumystardy aıaqtaý merzimi 2023 jylǵa kózdelgen.