Qazaqstanda «Qarasora-2022» keń aýqymdy jedel aldyn alý is-sharasy júrgizilip jatyr.
Bul týraly QR İİM baspasóz qyzmetiniń ókili Aqtoty Boranova málim etti, dep habarlaıdy Almaty-akshamy.kz QazAqparatqa silteme jasap.
«İİM operasıany jyl saıyn 1 maýsym men 30 qazan aralyǵynda marıhýana men gashısh daıyndalatyn qarasoranyń pisip-jetilýine baılanysty ótkizedi. Onyń maqsaty – Qazaqstan aýmaǵyndaǵy esirtki bazasynyń ósimdik shıkizattaryn joıý, shetelden esirtki jetkizý arnalaryn anyqtaý, sonymen qatar quramynda esirtki zattary bar ósimdikterdi ósirý jáne daıyndaý faktileriniń jolyn kesý», - dedi Aqtoty Boranova vedomstvonyń baspasóz qyzmeti alańynda ótken brıfıńte.
Onyń atap ótýinshe, operasıaǵa Qorǵanys mınıstrliginiń, Ulttyq ulannyń kúsh-quraldary, İİM arnaýly bólimshesi jáne «Ǵarysh sapary» AQ, jol talǵamaıtyn kólikter, tikushaqtar men ushqyshsyz ushatyn apparattar jumyldyrylǵan.
«Maýsym aıynyń basynan beri 457 esirtki qylmysy, onyń ishinde 235 esirtki satý, 52 iri kólemde esirtki saqtaý, 135 qarasora ósirý jáne 24 esirtki kontrabandasy faktisi anyqtaldy. Bir uıymdasqan qylmystyq toptyń kózi joıylyp, jasyryn 6 zerthananyń jumysyna tosqaýyl qoıdy. Zańsyz aınalymnan 2 tonnaǵa jýyq esirtki zaty, onyń ishinde 773 keli marıhýana, 61 keli gashısh, 16 keli sıntetıkalyq esirtki jáne 7 gram geroın tárkilendi. Sonymen qatar 190 myń túpten astam quramynda esirtki bar ósimdik tabylyp, joıyldy», - dedi ol.