Bir jylda 5 retten kóp ereje buzǵan júrgizýshilerge jol qozǵalysy erejelerin buzǵany úshin 50 paıyzdyq jeńildikpen aıyppul tóleýge tyıym salý jospary bar.
Bul týraly Ákimshilik polısıa komıteti tóraǵasynyń orynbasary Jandos Muratalıev málim etti, dep habarlaıdy Almaty-akshamy.kz Elorda.info-ǵa silteme jasap.
Aıta keteıik, elimizde 2015 jyldan bastap aıyppul tóleýge 50 paıyzdyq jeńildik engizilgen. Jeńildik beınebaqylaý kameralary túsirgen zań buzýshylarǵa qoldanylmaǵan bolatyn.
«Qazir İshki ister mınıstrligi jol qozǵalysy erejesin buzǵany úshin bir jyl ishinde besten asa ákimshilik quqyqbuzýshylyq jasaǵan tulǵalarǵa 50 paıyzdyq jeńildikpen aıyppul tóleý múmkindigin alyp tastaýǵa túzetýler engizip jatyr», - dedi Muratalıev İİM brıfıńinde.