Qazaqstan Respýblıkasynyń Indýstrıa jáne ınfraqurylymdyq damý vıse-mınıstri Berik Saılaýuly Kamalıev pen Polsha Respýblıkasynyń Infraqurylym jáne qurylys mınıstri Andjeı Adamchık telefon arqyly sóılesti.
Taraptar Reseı Federasıasy men Ýkraına Respýblıkasy arasyndaǵy qazirgi tótenshe jaǵdaıdyń nátıjesinde júk tasymaly salasynda týyndaǵan jaǵdaıdy talqylady, dep habarlaıdy Almaty-akshamy.kz
Vıse-mınıstr Ýkraınanyń Belarýspen, Reseımen jáne basqa eldermen shekarasynda turyp qalǵan 56 júk kóligine qatysty alańdaýshylyq bildirdi jáne keıbir kólik júrgizýshileri Polsha aýmaǵyna baǵyt ustaıtynyn aıtty.
Osyǵan baılanysty vıse-mınıstr Polsha mınıstrinen kólik quraldarynyń odan ári marshrýt boıynsha júrý jáne keıin Qazaqstanǵa oralý úshin Polsha aýmaǵy arqyly olarǵa kedergi keltirmeı ótýine kómek kórsetýdi surady.
Óz kezeginde Infraqurylym jáne qurylys mınıstri Andjeı Adamchık avtokólik quraldaryn kedergisiz ótkizý múmkindigin qarastyrýǵa kelisti jáne tolyǵyraq aqparat jiberýdi surady.