Qazaqstanda Táýelsizdik kúni qarsańynda áleýmettik jelide de, el dúkenderinde de erekshe patrıottyq bastama qyzý talqylanyp jatyr. Astanadaǵy azyq-túlik dúkeninen bastalǵan chellendj búginde basqa da qalalarǵa jetti. Aqshamnews.kz tilshisi mereke qarsańyndaǵy tyń dúnıelerdi tizdi.
4 myńnan astam shar, myńnan asa týmen bezendirilgen dúken
Treds jelisinde Astana qalasyndaǵy azyq-túlik dúkeniniń sýretteri tarady. Onda "Áziret Market" atty qarapaıym turǵyn úı keshenindegi dúkenniń Táýelsizdik kúnine bezendirilgenin baıqaýǵa bolady.
"Áziret market" dúkeni Astananyń oń jaǵalaýynda ornalasqan. Dúken ıesi Temirhan Áshimuly óz saýda núktesin myńdaǵan kók shar men memlekettik týmen bezendirip, naǵyz merekelik atmosfera syılady. Bul áreketi kópshiliktiń kóńilinen shyǵyp, ózge kásipkerlerge de úlgi boldy.
"Bul arqyly Táýelsizdik kúnin jaı ǵana resmı data emes, el bolyp sezinetin, maqtanysh pen shúkirlikke toly erekshe kún retinde atap ótýdi maqsat ettim. Ár qazaq úshin, ár qazaqtandyq úshin bul kún qashan da eleýli oryn alýǵa tıis", - Temirhan myrza.
Kóp adam dúken ishin foto-vıdeoǵa túsirip, áleýmettik jelige júktep jatyr.
Týgıs qosymshasynda da dúkenge jyly pikirler qaldyryp jatyr.
Halyqtyń qoldaýy men Qoıanbaevtyń reaksıasy
Bastama áleýmettik jelide lezde tarady. Paıdalanýshylar pikir qaldyryp, Temirhan myrzanyń azamattyq ustanymyn, patrıottyq nıetin erekshe atap ótip jatyr. Pikirler bóliminde:
"Balalarymyzǵa naǵyz patrıotızm osylaı kórsetilý kerek", "Merekeniń rýhyn sezindik", "Táýelsizdik kúni ótpeı jatyp, Jańa jylǵa daıyndalyp ketkenderge úlgi bolsyn" degen syndy pikirler jazylyp jatyr.
Belgili prodúser Nurlan Qoıanbaev ta bul bastamany qoldap, óziniń paraqshasynda atap ótip, kásipkerdiń ıdeıasyn oń baǵalady. Dúken ıesiniń ıdeıasyna rızashylyǵyn bildirip, saýdasyn da júrgizip ketti.
Chellendjge basqa dúkender de qosyldy
Temirhan Áshimulynyń bastamasy jaı ǵana dúkenniń ishinde qalyp qoıǵan joq. Onyń ıdeıasyn elýden astam adam bólisip, keı kásipkerler birden estafetany jalǵastyryp áketti.
Birneshe dúken ıeleri:
-
óz saýda oryndaryn kók sharlarmen, jalaýshalarmen, bannerlermen bezendirdi;
-
mereke qarsańynda kelýshilerge shaǵyn syılyqtar, jeńildikter qarastyrdy;
-
Táýelsizdik kúnine arnalǵan arnaıy fotozonalar uıymdastyrdy.
