Almatyda polısıanyń jyldam qımyldaıtyn arnaıy jasaǵy birneshe janjaldyń órshýine jol bermeı, turǵyndardyń qaýipsizdigin qamatamasyz etti
Aldymen polısıa púltine túngi klýbtardyń biriniń janynda betperde kıgen eki er adamnyń úlken pyshaqpen janjal sheshýge kelgeni týraly habarlama tústi, - dep habarlaıdy Aqshamnews.kz.
JQAJ qyzmetkerleriniń jedel áreketiniń arqasynda qaýipti jaǵdaı der kezinde toqtatyldy. Tekserý barysynda janjal klýbtyń kúzetshileri men kelýshiler arasynda týǵany belgili boldy. Osy oqıǵadan kóp uzamaı jaqyn mańda er adam men áıel arasyndaǵy janjal týraly taǵy bir shaqyrtý kelip tústi. Polısıa oqıǵa ornyna shuǵyl jetti. Áıel er adamnyń betine bótelkemen soqqy bergen. Jasaq polıseıleri zardap shekken er adamǵa alǵashqy medısınalyq kómek kórsetip, taraptardy ári qaraıǵy tekserý úshin polısıa bólimshesine jetkizdi.
- Bizdiń basty mindetimiz – qaýip-qaterge jedel jáne qaýipsiz túrde áreket etý, janjaldardyń kúsheıýine jol bermeý jáne qala turǵyndarynyń qaýipsizdigin qamtamasyz etý. Komandanyń úılesimdi jumysy kez kelgen jaǵdaıda quqyq buzýshylyqtardyń aldyn alýǵa jáne azamattardy qorǵaýǵa múmkindik beredi, – dedi Almaty qalasy PD JQAJ komandıri Azamat Isergýjın.