Búgin Almatyda qalalyq polısıa departamentiniń bastyǵy Arystannan Zapparovtyń tóraǵalyǵymen keshendi polısıa kúshteriniń birikken saptyq taralymy ótkizildi.
İs-shara merekelik kúnder kezinde qoǵamdyq qaýipsizdikti arttyrý maqsatynda polısıanyń qyzmetin kúsheıtilgen tártipke kóshirý aıasynda uıymdastyryldy.
Arystanǵalı Zapparov jeke quramǵa basty mindetterdi aıqyndap berdi: qoǵamdyq tártipti saqtaý, aldyn alý sharalaryn kúsheıtý jáne quqyq buzýshylyqtarǵa jedel áreket etý. Ásirese halyq kóp shoǵyrlanatyn oryndardy patrúldeý, jol qozǵalysy qaýipsizdigin qamtamasyz etý, jasóspirimder arasyndaǵy quqyq buzýshylyqtardyń aldyn alý, sondaı-aq álternatıvti kólikterdi paıdalaný kezinde erejelerdiń saqtalýyn baqylaý baǵyttaryna erekshe nazar aýdaryldy.
- Biz merekelik kúnderi turǵyndardyń tynyshtyǵy men qaýipsizdigin qamtamasyz etý úshin qyzmetti kúsheıtilgen tártipte atqarýǵa kóshtik. Polısıanyń negizgi maqsaty – Zań jáne tártip. Árbir qyzmetker óz mindetin jaýapkershilikpen, muqıat ári prınsıpshil túrde oryndaýy tıis. Sizderdiń jumystaryńyzdyń arqasynda azamattardyń qaýipsizdigi qamtamasyz etiledi, quqyq buzýshylyqtar der kezinde anyqtalyp, joly kesiledi, – dedi Arystanǵanı Zapparov.
Qalada "Quqyqtyq tártip" jedel-profılaktıkalyq is-sharasy bastaldy. Onyń aıasynda jaıaý jáne avtopatrýlder kúsheıtildi, kınologıalyq qyzmet mamandary, ýchaskelik polısıa pýnktteri, quqyq qorǵaý bólimderi jáne jedel qyzmetterdiń bólimsheleri jumyldyryldy. Polısıa turǵyndardy zań talaptaryn saqtaýǵa, abaı bolýǵa jáne kez kelgen quqyq buzýshylyq nemese kúdikti jaǵdaı týraly dereý habarlaýǵa shaqyrady.