Qalada kólik urlap bara jatqan adam vıdeoǵa túsip qaldy
Degenmen, ury qashyp qutylǵan. Almaty qalalyq polısıa departamentiniń málimetinshe, qaskóı kólikti urlap bara jatqan sátinde kólik ıesi oǵan bóget jasamaq bolǵan, dep habarlaıdy Almaty-akshamy.kz Qazaqparatqa silteme jasap.
Ol kóliktiń kapotyna sekiredi. Biraq onyń ústinde kóp tura almaı, jerge qulaıdy. Keıin qylmysker kólikti alysqa aparmaı, toqtatyp, odan shyǵyp jasyrynyp úlgergen. Shaǵymdanýshynyń sózinshe, oǵan «saý júrgizýshi» qyzmetin kórsetken adam kóligin urlamaq bolǵan.
«Polısıa bóliminde QR Qylmystyq kodeksiniń 200-babynda qarastyrylǵan qylmys baby boıynsha sotqa deıingi tergeý amaldary bastaldy. Mán-jaı anyqtalyp jatyr. Kúdiktini izdeý jalǵasýda», - dedi Áýezov aýdandyq polısıa basqarmasynyń bastyǵy, polısıa podpolkovnıgi Ulan Ábilqaıyr.