Almatyda bıyl qansha jūp otau qūryp, zańdy nekege tūrdy? Qansha bala dúnıe esígín ashty? Aqshamnews.kz tílshísí būl sūraqtardyń jauabyn bílu úshín "Azamattarǵa arnalǵan úkímettíń" AHAT bólímíne resmı saual joldady.
Vedomstvo málímetínshe, 2025 jylǵy qańtar-jeltoqsan aralyǵynda Almatyda 17097 neke tírkelgen. Jyl ayaǵyna deıín álí uaqyt bar, sondyqtan būl - aralyq derek.
Keıíngí úsh jyldaǵy statıstıka qandaı?
- 2022 jyly - 18540 neke;
- 2023 jyly - 18403 neke;
- 2024 jyly - 20187 neke tírkelgen.
2022-2023 jyldary kórsetkísh sál tómendegen, al 2024 jyly qaıta ósíp, 20 myńnan asqan.
Qansha bala dúnıege keldí?
2025 jyly 2 jeltoqsanǵa deıín 37606 bala dúnıe esígín ashqan.
AHAT resmı jauabynda keıíngí úsh jyl boıynsha tuǵan balalar sany da kórsetílgen:
- 2022 jyly - 45114 bala;
- 2023 jyly - 44274 bala;
- 2024 jyly - 42522 bala tírkelgen.
Osy sandarǵa qaraǵanda, Almatyda tuu kórsetkíshí jyl saıyn bírtíndep tómendep keledí:
- 2022 men 2023 jyldar aralyǵynda shamamen 840 balaǵa azaıǵan;
- 2023 pen 2024 jyldar aralyǵynda taǵy 1750 shamasynda kemígen.