78 júlde sarapqa salynady.
2022 jylǵy XIII Qysqy Paralımpıada oıyndarynyń ashylý saltanaty Beıjińde 4 naýryzda ótedi. Saltanatty sporttyq shara «Qus uıasy» dep atalatyn ulttyq stadıonda bolady, dep habarlaıdy Almaty-akshamy.kz QazAqparatqa silteme jasap.
Qazaqstan Paralımpıada quramasynan týdy parashańǵy jarysy boıynsha álem kýbogynyń qola júldegeri, halyqaralyq dárejedegi sport sheberi Erbol Hamıtov ustap shyǵady.
Qazaqstan Paralımpıada quramasynyń quramyna bes sportshy kirdi: Aleksandr Gerlıs, Erbol Hamıtov, Sergeı Ýsolsev, Iýrıı Berezın jáne Denıs Petrenko. Paralımpıadashylar eki shańǵy jarysy men parabıatlonda óner kórsetedi.
QHR Tóraǵasy Sı Szınpın Beıjińdegi 2022 jylǵy Qysqy Paralımpıada oıyndarynyń ashylý rásimine qatysady. Sportshylar shańǵy jarysy, bıatlon, taý shańǵysy sporty, sledj-hokkeı, arbadaǵy kerlıng jáne snoýbord sıaqty sporttyń alty túrinen 78 júldeni sarapqa salady.
Qazaqstandyq paralımpıadashylar aldymen parabıatlonǵa qatysady. Qazaqstan atynan Sergeı Ýsolsev pen Aleksandr Gerlıs óner kórsetedi. Jarys 5 naýryzda Hebeı provınsıasynyń Chjanszákoý qalasynda ótedi.