Almatynyń Jetisý aýdanynda qoǵamdyq tamaqtaný ornynan kasa jáshigin urlaǵan er adam ustaldy.
Polısıa qyzmetkerleri aqparat boıynsha jedel áreket etip, nysanǵa zańsyz kirip, qarajatty qoldy etken kúdiktini anyqtap, ustady, - dep habarlaıdy Aqshamnews.kz.
- Biz árbir osyndaı derekke dereý áreket etip, quqyq buzýshylardy anyqtap, aýdan turǵyndary men kásipkerleriniń qaýipsizdigin qamtamasyz etemiz. Kez kelgen urlyq áreketi zań aıasynda jáne tolyq kólemde qatań túrde toqtatylady. Kúdikti ustalǵannan keıin barlyq qajetti tergeý sharasy júrgiziledi. Polısıa azamattardy kez kelgen kúmándi jaǵdaı týraly dereý habarlaýǵa shaqyrady jáne ýaqtyly júginý qylmystardy jedel ashýǵa úlken yqpal etetinin eske salady, – dedi Jetisý aýdandyq polısıa basqarmasynyń bastyǵy Jánibek Shynasylov.