Sheshimder qabyldandy.
Qazaqstan Premer-Mınıstri Álıhan Smaıylovtyń tóraǵalyǵymen kún saıynǵy formattaǵy Daǵdarysqa qarsy sharalar jónindegi jedel shtabtyń otyrysy ótti, dep habarlaıdy Almaty-akshamy.kz Primeminister.kz cilteme jasap.
Otyrys barysynda qazaqstandyq júk tasymaldary salasynda týyndap otyrǵan logıstıkalyq máseleler boıynsha sheshimder qabyldandy. Atap aıtqanda, QR ındýstrıa jáne ınfraqurylymdyq damý mınıstri Q. Óskenbaev sheteldik seriktestermen ótken kelissózder jáne qol jetkizilgen ýaǵdalastyqtar týraly baıandady.
«Elimizdiń tranzıttik-logıstıkalyq áleýetin nyǵaıtý úshin júk tasymaly, «Aqtaý/Quryq – Baký – Tbılısı – Kars» baǵyty boıynsha seriktestermen kelisimder pysyqtalyp jatyr. Sondaı-aq tarıftik saıasat máselesi de sheshimin tabýda», — dedi QR Indýstrıa jáne ınfraqurylymdyq damý mınıstri.
Sonymen qatar bıznes, «Atameken» UKP jáne múddeli memlekettik organdar arasynda ózekti aqparatpen jedel almasý máselesi talqylandy. Osylaısha, qajetti málimetter bazasy bir júıege keltiriledi. «Atameken» UKP tóralqa tóraǵasy R. Battalov jedel shtabtyń kelesi otyrysynda qaraý úshin bıznestiń usynystaryn daıyndaý barysy týraly aıtty.
Premer-Mınıstrdiń tóraǵalyǵymen jedel shtabtyń kelesi otyrysy bıylǵy 7 naýryzda ótedi.