QR Premer-Mınıstri Álıhan Smaıylov Dúnıejúzilik Banktiń Eýropa jáne Ortalyq Azıa aımaǵy boıynsha vıse-prezıdenti Anna Berdemen kezdesti, dep habarlaıdy Almaty-akshamy.kz Úkimettiń Telegram paraqshasyna silteme jasap.
Kezdesý barysynda QR men Dúnıejúzilik banktiń ınfraqurylym, sıfrlyq tehnologıalar jáne qarjy salalaryndaǵy birlesken jobalardy iske asyrýǵa qatysty ózara yntymaqtastyǵynyń perspektıvasy talqylandy.
Bıyl Qazaqstan men Dúnıejúzilik bank yntymaqtastyǵynyń 30 jyldyǵyn atap ótedi.
«Seriktestigimizdiń otyz jyldyǵy ishinde biz shaǵyn jáne orta bıznes, qarjy, TKSH, energetıka, aýyl sharýashylyǵy jáne aqparattyq tehnologıalarmen qatar ekonomıkanyń túrli salalarynda barlyǵy 55-ten astam jobany sátti iske asyrdyq» , — dedi Á. Smaıylov.
Birlesken ınfraqurylymdy damytý jobalary boıynsha «Dostyq – Moıynty» jol ýchaskesin salý jobasy talqylanýda.
Qazirgi ýaqytta jol qurylysy, bilim jáne ǵylym, aýyl sharýashylyǵy, shaǵyn jáne orta bıznes salasynda 7 joba iske asyrylýda.