Týdyń kólemi 3×6 metr
Týtuǵyr aýdan ortalyǵy Shonjy aýylyna ornatylyp, saltanatty ashylý rásimi ótti, dep habarlaıdy Almaty-akshamy.kz.
Sharanyń shymyldyǵy gımn shyrqaýymen ashylyp, kók baıraǵymyz óz bıigine kóterildi.
Týtuǵyrdyń bıiktigi 30 metr, týdyń kólemi 3×6 metr.
Kókpen talasa boı kóterip, kósh jerden kóz tartyp, aýyl kórkine kórik qosyp, kórkem tabıǵatpen jarasyp turǵan kókbaıraǵymyz aýdan turǵyndaryna Táýelsizdik kúnine tartý boldy.
«Búgin mine, Táýelsizdiktiń 30 jyldyǵy qarsańynda aýdanymyzdyń ár beretin aıshyqty nysandar qatary aıbyndy tý tuǵyr alańymen tolyqty. Kók baıraǵymyz kókpen ushtasty. tý biz úshin – qasterli atrebýt, qanymyzda qaınaǵan namys, rýhty kóteretin qudiret. Atamekenimizdiń tórine alyp tý tigý – biz úshin asqan abyroı, zor mártebe. Óńirimizdiń aıbynyn ashqan baıraǵymyz aýdan kórkin odan ári asqaqtata túserine senemin» - dep atap ótti aýdan ákimi Sh.Nýrahýnov.