Uıaly baılanys operatorlaryna qoıylatyn talaptardy kúsheıtý kerek. Sonda ǵana aýyldardaǵy ınternet baılanys jaqsara túspek. Úkimet saǵatynda sıfrlyq damý mınıstri Baǵdat Mýsın osylaı málimdedi, dep habarlaıdy almaty-akshamy.kz
Jalpy, qazirgi tańda elimizdegi 5 myń 300-den astam eldi mekenge ınternet tartylǵan. 2024 jyldyń sońyna deıin onyń sanyn 5 myń 893-ke jetkizý kózdelip otyr. Alaıda tartylǵan ınternet óz aldyna, onyń sapasy keı kezde syn kótermeıdi. Baılanysty jaqsartý maqsatynda aldymen ınternet taratý ólshemin 3G-den 4G-ge aýystyrý qajet. Sondaı-aq joǵary jyldamdyqtaǵy ınternetpen qamtý úshin spýtnıktik transmısıany almastyryp, jelilerdi jańǵyrtý mańyzdy.
– Quzyretimizdi paıdalanyp ne istedik? Biz sapa shegin ornattyq. Buryn ondaı bolmaıtyn. Buryn operatorlar 3G shúrippesiniń janyp turǵanyn kórsetse, tekserýshilerimiz ınternet istep tur dep esepke jaza beretin. Iaǵnı bir megabaıt tarasa boldy, demek ınternet bar dep sanalatyn. Búginde biz naqty ólshemderin bekitip, 400-den asa tekseris júrgizip, 92 mln teńgege aıyppul saldyq. Depýtattar bul rette aıyppul mólsherin ulǵaıtýdy surady. Biz de buny qoldadyq. Óıtkeni mobıldi operatorlardyń bárin qosqanda 92 mln teńge degen túk emes, - dedi Sıfrlyq damý, ınovasıalar jáne aeroǵarysh ónerkásibi mınıstri Baǵdat Mýsın.