Qazaq-ózbek qatynastaryna is júzinde tyń serpin berý úshin Qasym-Jomart Toqaev Shavkat Mırzıóevti Qazaqstanǵa memlekettik saparmen kelýge shaqyrdy.
Prezıdent Qasym-Jomart Toqaev Shavkat Mırzıóevti Ózbekstan Respýblıkasynyń Prezıdenti laýazymyna qaıta saılanýymen quttyqtady, dep habarlaıdy Almaty-akshamy.kz Aqordanyń resmı saıtyna silteme jasap.
Toqaev ózbek kóshbasshysynyń saılaýdaǵy senimdi jeńisi onyń strategıalyq baǵdarynyń jalpy halyqtyq qoldaýǵa ıe bolǵanyn taǵy bir márte dáleldegenin atap ótti.
Áńgimelesý barysynda Qasym-Jomart Toqaev Shavkat Mırzıóevtiń baýyrlas eki halyq arasyndaǵy kóp ǵasyrlyq dostyq pen tatý kórshilik qatynastardy nyǵaıtýǵa zor úles qosqanyn aıtty.
Taraptar Qazaqstan men Ózbekstan arasyndaǵy strategıalyq seriktestiktiń mol áleýetin tolyq júzege asyrý jáne Ortalyq Azıadaǵy ózara senimdi nyǵaıtý maqsatynda birlesken jumystardy belsendi jalǵastyrýǵa daıyn ekenin naqtylady.