Bul elde osy naýqanǵa daıyndyq júrip jatyr
Qazaqstandaǵy jaǵdaı áli de turaqtalǵan joq. Máselen, Almaty qalasy «qyzyl» aımaqtan shyǵyp, «sary» aımaqqa ótti, el astanasy men tórt oblys áli de qaýipti beldeýde tur, dep habarlaıdy Almaty-akshamy.kz
Al kovıdtik álemniń ahýaly qandaı? Dúnıejúzilik densaýlyq saqtaý uıymynyń basshysy Tedros Adhan Gebreıesýs adamzattyń koronavırýsty jeńetin barlyq múmkindigi bar ekenin málimdedi.
Túrkıada koronavırýstyq ınfeksıanyń taralý qarqyny tómendemeı tur. Sońǵy 24 saǵat ishinde COVID-19 juqtyrýdyń taǵy 24 792 jaǵdaıy anyqtaldy. Osylaısha, elde vırýs juqtyrǵandardyń jalpy sany 7 851 805 adamǵa deıin ósti, mundaı derekterdi eldiń densaýlyq saqtaý mınıstrligi jarıalady. Al pandemıa qurbandarynyń sany 69 112 adamǵa deıin ósti, olardyń 195-i ótken táýlikte qaıtys boldy. Túrkıada covid-19 vırýsyna qarsy jappaı vaksınasıa 14 qańtarda bastaldy. Sońǵy derekterge sáıkes búgingi kúni vaksınalardyń 115 040 699 dozasy qoldanylǵan.
- Qara kontınentte covid-19 ınfeksıasyn juqtyrýdyń jalpy sany 8,5 mıllıonǵa jýyq, - dep habarlaıdy Afrıka Aýrýlardy baqylaý jáne aldyn-alý ortalyǵy (Africa CDC). Pandemıa bastalǵannan beri kóz jumý jaǵdaılarynyń sany 216 830 adamǵa jetti. Vırýs juqtyrǵandardyń eń kóp sany-Ońtústik Afrıka Respýblıkasy, Marokko, Týnıs jáne Efıopıa óńirlerinde. Osylaısha, aımaqtar boıynsha Ońtústik Afrıka kósh bastap tur. Ekinshi jáne úshinshi oryndardy Soltústik Afrıka men Shyǵys Afrıka alady. Afrıka CDC derekteri boıynsha kontınenttiń ortalyq bóligi pandemıadan az zardap shekken aımaqtar qatarynda.
Eýropalyq Odaq elderiniń arasynda Danıa koronavırýsqa qarsy vaksınasıanyń joǵary deńgeıin kórsetýde. Osylaısha el pandemıa rejıminen shyǵyp, shekteýlerdi alyp tastaýda. Budan bylaı el bıligi COVID-19 vırýsyn resmı túrde «qaýipti aýrý» dep sanamaıdy dep málimdedi. Dúkender rojdestvoǵa betperdesiz jáne áleýmettik qashyqtyqsyz daıyndalýda. Kafeler men meıramhanalarǵa barý úshin QR kodtary men vaksınasıa sertıfıkaty qajet emes. Elde 12 jastan asqan halyqtyń 85% - dan astamy tolyq egildi. 60 jas tobyndaǵy barlyq derlik turǵyndar egildi. Aıta ketý kerek, vaksınasıa boıynsha mundaı joǵary kórsetkish Norvegıa men Shvesıada da da bar.
Izraıl úkimeti 5 jastan 11 jasqa deıingi balalarǵa KVI vaksınasıasyna daıyndyq júrip jatqanyn habarlaıdy. Densaýlyq saqtaý mınıstrliginde túsindirý naýqany boıynsha daıyndyq júrýde. Túpkilikti sheshim AQSH-tyń, atap aıtqanda FDA saraptama komısıasynyń 5 jastan bastap 28 mıllıon amerıkandyq balany ımmýndaý úshin Pfizer vaksınasyn qoldanýǵa shuǵyl lısenzıa berý týraly sheshim qabyldaýyna qatysty bolmaq. Eger vaksınasıa AQSH-ta maquldansa, Izraıl Densaýlyq saqtaý mınıstrligi de bul máselede ruqsat beretin bolady.