Bul - ótken aıdaǵy málimet.
Ulttyq statısıka búrosynyń málimetinshe, elimizde shilde aıynda turǵyn úıdi satý-satyp alý mámileleriniń sany azaıǵan, dep habarlaıdy Almaty-akshamy.kz
«2021 jylǵy shildede turǵyn úıdi satý-satyp alý boıynsha tirkelgen mámileler sany 46 255-ke jetti, bul ótken aımen salystyrǵanda 14,4% az boldy», – delingen búro taratqan aqparatta.
Ótken shilde aıynda turǵyn úıdi satý-satyp alý boıynsha eń kóp kelisim Almaty qalasynda jasalǵan – 6 833. Odan keıingi oryndarda Nur-Sultan qalasy (5 708), Qaraǵandy oblysy (5 361), Mańǵystaý oblysy (3 356) jáne Almaty oblysy (3 252) tur.
Jalpy, bıylǵy qańtar-shilde aılary aralyǵynda baspanaǵa qatysty barlyǵy 323 693 kelisim jasalǵan. Bul ótken jyldyń osyndaı kezeńimen salystyrǵanda 2,2 ese kóp.