UBT elektrondy formatta 43 testileý ortalyǵynda ótken.
Ǵylym jáne joǵary bilim vıse-mınıstri Qýanysh Erǵalıev negizgi UBT-2023 qorytyndysy týraly aıtty, dep habarlaıdy Almaty-akshamy.kz
Ol negizgi UBT 5 shildede aıaqtalǵanyn atap ótti. UBT elektrondy formatta 43 testileý ortalyǵynda ótken. Ár bala eki ret test tapsyrý múmkindigine ıe boldy.
"UBT-nyń ortasha baly jeti balǵa ósti, bıyl 73 bal boldy. Bes adam eń joǵary kórsetkish aldy, bul – 137 bal. Al 120 baldan joǵary alǵan balalar sany – 2868", - dedi Erǵalıev ortalyq komýnıkasıalar qyzmetinde ótken baspasóz máslıhatynda.
Aıtýynsha, osy jyly negizgi UBT-ny tapsyrýǵa 166 myń talapker eki múmkindikti qosa eseptegende 305 ótinish bergen. Testileý qorytyndysy boıynsha 135 myńǵa jýyq talapker shekti bal jınady. Bul qatysýshylardyń jalpy sanynyń shamamen 83 paıyzyn quraıdy. Byltyr bul kórsetkish 67 paıyzdy quraǵan.
Talapkerlerdiń 75 paıyzy qazaq tilinde, 24 paıyzy orys tilinde, 0,1 paıyzy aǵylshyn tilinde test tapsyrdy.
Testileý bes pán boıynsha ótkizildi: úsh mindetti jáne eki beıindi pán. Test tapsyrmalarynyń sany – 120. Eń joǵary upaı – 140. Testileý uzaqtylyǵy 4 saǵatty qurady.