Jekpe-jek jetinshi raýndta aıaqtaldy
Qazaqstandyq boksshy Tursynbaı Qulahmet (4-1) Ulybrıtanıada ótken boks keshinde óner kórsetti, dep jazdy Prosports.kz.
Otandasymyz domınıkandyq Hýan Karlos Abreýmen (24-6) judyryqtasty.
Birinshi orta salmaqtaǵy WBC International tıtýly sarapqa salynǵan jekpe-jek on raýndqa josparlanǵan. Biraq jetinshi raýndta Qulahmet kútpegen jerden nokaýtpen jeńildi.
Aıta keteıik, Qulahmet áýesqoı bokstan Qazaqstan quramasy sapynda 2019 jylǵy Azıa chempıony, 2019 jylǵy álem chempıonatynyń qola júldegeri.
Kásipqoı boksta keıingi ret rıngke 2021 jyly shildede shyqqan. Almatyda ótken keshte ol onynshy raýndta reseılik Alekseı Evchenkony (19-15, 8 KO) tehnıkalyq nokaýtpen jeńgen edi.