Kórme Fransıanyń Mes qalasynda ótti
Resmı qonaq retinde shaqyrylǵan Qazaqstan osy is-sharaǵa alǵash ret qatysyp, jergilikti bıliktiń, fermerler men BAQ-tyń qyzyǵýshylyǵyn týdyrǵan eýropalyq emes jalǵyz el boldy, dep habarlaıdy Almaty-akshamy.kz SİM baspasóz qyzmetine silteme jasap.
Túrkistan oblysynyń fermerler delegasıasy Mes qalasynda (Fransıa) ótken «Agrımaks-2021» halyqaralyq mal sharýashylyǵy kórmesine qatysty.
Ashylý saltanatynda Úlken Shyǵys óńiri Keńesiniń tóraǵasy Jan Rottner Túrkistan oblysynyń delegasıasyn quttyqtap, birlesken agrarlyq jobalardy ilgeriletýge barynsha kómek kórsetýge daıyn ekenin habarlady. Ol iskerlik baılanystardy ornatý jáne nyǵaıtýdaǵy kúsh-jigeri úshin Qazaqstan basshylyǵy men dıplomattarǵa erekshe alǵysyn bildirdi, sebebi Fransıanyń aýyl sharýashylyǵy qozǵaltqysh kúshi bolyp tabylatyn Úlken Shyǵys aımaǵy sanalady.
Túrkistan oblysynyń delegasıasy úshin Qazaqstannyń Fransıadaǵy Elshiligi jáne Strasbýrgdaǵy Bas konsýldyǵy sút jáne et fermerlik sharýashylyqtaryn, jumyrtqa qus fabrıkasyn aralap, Fransýz malshylarynyń kásibı qaýymdastyqtarynyń ókilderimen dóńgelek ústel uıymdastyrdy. Qazaqstandyq fermerler sondaı-aq jetekshi álemdik óndirýshi «KUHN» ozyq aýyl sharýashylyǵy tehnıkasymen tanysty.
Delegasıa músheleri «QazaqInvest» ulttyq kompanıasynyń ókilimen birge Túrkistan oblysy úshin mańyzdy jobalar boıynsha júrgizgen mazmundy kelissózder júrgizdi jáne bolashaqta aýylsharýashylyq ónimderiniń ónimdiligi men eksporty men syrtqy naryqtarǵa edáýir arttyrýǵa múmkindik berdi.