Túrkistan oblysynyń polıseıleri jyl basynan beri zańsyz balyq aýlaýdyń 6 deregin anyqtady, dep habarlaıdy Almaty-akshamy.kz.
Bul jaıttar QR QK-niń 335-baby «Balyq resýrstaryn, basqa da sý janýarlaryn nemese ósimdikterdi zańsyz aýlaý» boıynsha tirkeldi. Brakonerlerden 3 dana eletroqarmaq,1500 metrden astam Qytaı aý-tory, 8 qaıyq, 6 dana balyq aýlaýǵa arnalǵan shanyshqy, 500 keliden astam zańsyz aýlanǵan balyq tárkilenip alyndy. Qazirgi tańda sotqa deıingi tergeý amaldary júrgizilip jatyr.
«Sonymen qatar, Jetisaı APB-nyń tabıǵatty qorǵaý ınspektory men balyq qorǵaý ınspeksıasy qyzmetkerleri birlesip, ákimshilik quqyq buzýshylyq jasaǵan 5 turǵyndy anyqtady. Tabıǵatqa zıan ákelgen turǵyndarǵa QR ÁQBTK-niń 383-babymen 5 AEK kóleminde aıyppul salyndy. Anyqtalǵan turǵyndardan qoldanýǵa tyıym salynǵan 5 dana shanyshqy (ostraga) alyndy»,-delingen habarlamada.