Jaǵdaı Avangard yqsham aýdanyndaǵy mektepterdiń birinde tirkelgen
Atyraýda «mektepke jarylǵysh zat qoıyldy» dep eldi dúrliktirgen jalǵan terrorıst izdestirilip jatyr. Ol habarlamany mekteptiń elektrondy pochtasyna jibergen, dep habarlaıdy Almaty-akshamy.kz.
Astanatv.kz saıtynyń jazýynsha, bul jaǵdaı Avangard yqsham aýdanyndaǵy mektepterdiń birinde tirkelgen. Ekinshi sabaqqa kirgen muǵalimder men oqýshylar dereý syrtqa shyǵaryldy. Polısıa jarylǵysh zatty izdestirdi, al balalar aýa-raıynyń qolaısyzdyǵyna baılanysty úıine qaıtaryldy.
«Polıseıler 1300- ge jýyq mektep oqýshylary men qyzmetkerlerin ekvakýasıalady. Sondaı-aq mektepte eshqandaı jarylǵyshtyń joq ekendigin anyqtady. Qazirgi tańda mektep ákimshiliginiń resmı paraqshasyna osyndaı habarlama taratqan tulǵany anyqtaý jumystary júrgizilýde»,-deıdi Atyraý oblystyq PD baspasóz hatshysy Meıirim Erdáýlet.
Aıta keterligi, birneshe kún buryn mektepte bomba bar dep habarlaǵan Atyraýdyń taǵy bir turǵyny ustalǵan edi.