Túrik elshisi qazaqstandyq qutqarýshylarǵa alǵys aıtty
Elge oralǵan qazaqstandyq qutqarýshylardy Túrkıanyń QR-daǵy Tótenshe jáne ókiletti elshisi Ýfýk Ekıdjı kútip aldy, dep habarlaıdy almaty-akshamy.kz.
Túrik elshisi qıyn sátte kómekke kelgen baýyrlas halyqtyń qoldaýyna alǵys bildirdi.
«Túrkıanyń elshisi retinde óz atymnan jáne Túrkıa halqynyń atynan qazaqstandyq qutqarýshylarǵa, olardyń otbasyna atqarǵan eńbegi úshin alǵys aıtqym keledi. Eki el arasyndaǵy ózara kómek almasý bolashaqta jalǵasyn tabady. Túrkıa da baýyrlas Qazaqstan eliniń halqyna kómek kórsetýge daıyn. Álemde tabıǵı apattar bolyp turady. Osy rette Túrkıa Qazaqstanmen seriktestik jasaýǵa árdaıym daıyn. Taǵy da ekıpaj ben olardyń otbasyna kórsetken kómegi úshin alǵys aıtamyn», - dedi elshi.
Esterńizge sala keteıik, Túrkıanyń Manavgat aýdanynda taýly jerde alapat órt shyǵyp, birneshe ólke zardap shekti. Tamyz aıynyń basynda Memleket basshysy Qasym-Jomart Toqaevtyń tapsyrmasymen QR Tótenshe jaǵdaılar mınıstrliginiń Mı-8 AMT eki tikushaǵy men 16 qutqarýshysy kómek kórsetý maqsatynda Túrkıa Respýblıkasyna attanǵan bolatyn.