Kúzet qyzmetiniń jańa bastyǵyn tanystyrdy.
Memleket basshysy Qasym-Jomart Toqaev MKQ basshylyq quramyna jınalys ótkizip, Memlekettik kúzet qyzmetiniń jańadan taǵaıyndalǵan bastyǵy Ermek Saǵymbaevty tanystyrdy, dep habarlaıdy Almaty-akshamy.kz Akorda.kz silteme jasap.
Prezıdent Memlekettik kúzet qyzmetiniń úlken jaýapkershiligi men mańyzdylyǵyna toqtalyp, barlyq qyzmetkerlerden, ásirese, basshylyqtan erekshe bilim men biliktilik talap etiletinin aıtty.
«Memlekettik kúzet qyzmetiniń mamandarynan kásibılik talap etiledi. Birinshiden, jaýyngerlik jáne dene daıyndyǵy. Bul rette Memlekettik kúzet qyzmetiniń, tıisti bólimshelerdiń basshylary jan-jaqty bilimdi, dúnıetanymy keń, eldiń ishki saıası jaǵdaıyn da, halyqaralyq ahýaldy da jaqsy meńgergen bolýy kerek. Olardyń halyqaralyq talaptardyń qyr-syryn jetik biletin zerek, taldaý jumystaryna qabiletti bolǵany jón. Biz tek osyndaı jaǵdaıda ǵana jumystan tıimdi nátıje kútemiz», – dedi Qasym -Jomart Toqaev.
Prezıdent kadrlyq áleýetti arttyrý týraly aıta kelip, MKQ ofıserleri memleketke, ózderine júktelgen qyzmetke adal jáne naǵyz patrıottar bolýy kerek ekenin atap ótti. Memleket basshysy kadrlardy irikteýde dál osy ustanymdardy basshylyqqa alýdy basa aıtty.
Sondaı-aq Qasym-Jomart Toqaev Memlekettik kúzet qyzmeti bastyǵynyń jańa orynbasary Batyrbek Baıbosynovty da tanystyrdy.
Memleket basshysy jıyn sońynda jańa bastyq pen barlyq ofıserlerge qyzmette tabys tiledi.