Búgin Senatta eki el arasyndaǵy kedendik rásimderdi jyldamdatatyn kelisim ratıfıkasıalandy.
Onyń negizinde memleketter arasyndaǵy aqparat almasý jáne kedendik baqylaý rásimderi ońtaılyndyrylmaq, dep habarlaıdy Almaty-akshamy.kz.
Qazir Túrkıa taýar aınalymy boıynsha kedendik odaqtan tys elder arasynda Qytaı men Italıadan keıingi úshinshi orynda tur. Bıyl alǵashqy jarty jyldyqtyń ózinde 2,9 mlrd dollardyń saýdasy jasalǵan. Depýtattardyń aıtýynsha, búgingi qujat jumys isteı bastaǵan sátten bastap alys-beris eselep artady.
«Tehnıkalyq sharttar daıyndalady. Tehnıkalyq sharttardyń ishinde tártip, júrgiziletin qaýipsizdik mysaly qupıa zattardy qamtamasyz etý máselesi. Ekinshi másele, ótetin taýarlardyń tizimi. Úshinshi másele, aıqyndalatyn jaýapty adamdardyń tizimi. Jáne belgili taýarlar halyqaralyq standarttarǵa sáıkestendirilgennen keıin olar jeńildetilgen túrmen jasyl korıdormen ótetin bolady», - deıdi QR Parlamenti Senatynyń depýtaty Bekbolat Orynbekov.