Prezıdenttik saılaýda 28 mıllıonǵa jaqyn daýyspen jeńiske jetken Rejep Taıyp Erdoǵan búgin saǵat 14.00-de Túrkıa Uly Ulttyq Májilisinde ant berip, qyzmetine kirisedi. Memleket basshysy mandatyn Túrkıa Uly Ulttyq Májilisiniń ýaqytsha tóraǵasy Devlet Bahchelıden alady.
Saltanatty sharaǵa Ázirbaıjan, Ózbekstan, Venesýela, Qazaqstan, Qyrǵyz Respýblıkasy, Bolgarıa, Gabon, Gvıneıa Bısaý, Ońtústik Afrıka Respýblıkasy, Chernogorıa, Kongo, Kosovo, Soltústik Kıpr Túrik Respýblıkasy, Soltústik Makedonıa, Rýanda, Senegal, Somalı, Togo, Túrkimenstan, Bangladesh, Gvıneıa syndy 21 eldiń prezıdentteri qatysady dep kútilýde.
Sonymen qatar Ulyqtaý rásimine Pákistan, Vengrıa, Armenıa, Lıvıa jáne taǵy basqa 13 eldiń premer-mınıstri qatysady.
Budan bólek 8 halyqaralyq uıym ókilderi, sonyń ishinde Túrki memleketteri uıymynyń bas hatshysy Kýbanychbek Ómirálıev, NATO-nyń bas hatshysy Iens Stoltenberg, Islam yntymaqtastyq uıymynyń bas hatshysy Hýseın Ibrahım Taha da bar.
Al keshki saǵat 19.00-de Erdoǵan Chankaıa saraıynda sheteldik qonaqtardyń qurmetine as beredi. Sodan keıin jańa kabınet múshelerin jarıalaıdy dep kútilýde.