Túrkıadaǵy joǵary oqý oryndary onlaın bilim berýge kóshedi.
Qazaqstan Elshiligi Túrkıada bilim alyp jatqan qazaqstandyq stýdentterge úndeý jasady, dep habarlaıdy Almaty-akshamy.kz syrtqy saıasat vedomstvosyna silteme jasap.
«Ózderińizge belgili bolǵandaı, 6 aqpanda Túrkıanyń Ońtústik-SHyǵys aımaǵynda oryn alǵan jer silkinisi saldarynan jaraqat alǵan azamattardyń sany artyp keledi.
Osyǵan baılanysty Túrkıa Prezıdenti eldegi joǵary oqý oryndary onlaın bilim berýge kóshiriletinin habarlady. Bul rette, memleket menshigindegi JOO-lardyń jataqhanalary zardap shekken azamattardy ýaqytsha ornalastyrý úshin paıdalanylatyn bolady.
Aıta keteıik Túrkıa bıliginiń bul habarlandyrýy jekemenshik páterde/jataqhanada, jalǵa alynǵan páterde turyp jatqan stýdentterge qatysty emes. Onymen qosa, Túrkıada turyp, sabaqty onlaın jalǵastyra alady», - delingen Elshilik málimetinde.