Osy kúnge deıin maımyl sheshegi 50 elge jetip, 3413 adam dertke shaldyqqan.
Túrkıada maımyl sheshegin juqtyrýdyń alǵashqy faktisi tirkeldi, dep habarlaıdy Almaty-akshamy.kz Inbusines.kz silteme jasap.
«Maımyl sheshegin azamattarymyzdyń biri juqtyrdy. Naýqas 37 jasta, ımýndyq júıesiniń jetispeýshiligi bar. Ol qazir oqshaýlanǵan. Dınamıkalyq baqylaý júrgizildi», – dedi Densaýlyq saqtaý mınıstri Fahrettın Kodja.
Ol qaı qalada ınfeksıa tirkelgenin jarıalamady.
Dúnıejúzilik densaýlyq saqtaý uıymynyń dereginshe, osy kúnge deıin maımyl sheshegi 50 elge jetip, 3413 adam dertke shaldyqqan. Degenmen uıym bul aýrý halyqaralyq densaýlyq saqtaý salasyndaǵy tótenshe jaǵdaı bolyp sanalmaıdy degen pikirde.