Almaty ákimdigi ázirlep jatqan «Almaty – adamdar úshin jahandyq qala» baǵdarlamasyna qatysty Áleýmettaný ǵylymynyń doktory, ál-Farabı atyndaǵy QazUÝ fılosofıa jáne saıasattaný fakúltetiniń profesory Ábdikerova Gúlnapıs Orynbasarqyzy adamnyń ómir súrý deńgeıin kóterý týraly óz oıymen bólisti dep habarlaıdy almaty-akshamy.kz
«Almaty ákimdiginiń qalany damytý boıynsha 2025 jylǵa deıin damytýdyń negizgi basymdyqtary men 2030 jylǵa deıingi orta merzimdi jasaǵan perspektıvalary óte ózekti dep oılaımyn. Qazirgi kezde eń ózekti másele adamdardyń ómir súrý deńgeıi bolyp tabyldy. Almaty ákimdigi «Almaty – adamdar úshin jahandyq qala» baǵdarlamasynda «Jaıly qalalyq orta», «Turaqty ekonomıkalyq ósý», «Basqarylatyn ýrbanızasıa», «Áleýmettik ornyqtylyq pen turaqtylyq», «Jasyl Almaty», «Smart sıtı», «Qaýipsiz qala» osynyń bári jaqsy qamtylǵan», – dedi Gúlnapıs Orynbasarqyzy.
Áleýmettanýshynyń aıtýynsha, adamnyń ómir súrý deńgeıin kóterý úshin adamdarǵa jaıly jaǵdaı jasalýy kerek.
«Eń birinshi – adamdardy kúızeliske túsip, túrli aýrýǵa shaldyǵýyna ákeletin faktorlardy azaıtýy kerek. Bul faktorlar ınfrastrýktýramen tyǵyz baılanysty. Mysaly, jol sapasy, adamdardyń baratyn jerine qınalmaı jetýi ózekti dep esepteımin. Sondaı-aq qazirgi kezde ınklúzıvti orta qurý ıdeıasy óte ózekti. Inklúzıvti orta - adamdardyń esh qıyndyqsyz sol qoǵamǵa kire alý múmkindigi bolyp esepteledi. Bul másele qazirgi tańda óte ózekti», – dedi ol.
Qala turǵyndary baǵdarlamamen tanysyp, óz usynystaryn «Almatyny damytý ortalyǵynyń» saıtynda 2022 jyldyń 1 shildesine deıin qaldyra alady.