Qazaqstandyq ekonomıka úshin zalalǵa jedel den qoıý úshin jasalyp otyr.
Memlekettik kirister komıteti taýarlardyń ótkizilýin baqylaý sharalary týraly aıtty, dep habarlaıdy Almaty-akshamy.kz Egemen.kz silteme jasap..
2022 jyldyń naýryz aıynan bastap jekelegen elder Reseı Federasıasyna qatysty sanksıalardy, onyń ishinde Reseı Federasıasyna taýarlardyń belgili bir túrlerin jetkizýge tyıym salǵan edi.
Mundaı taýarlardyń basqa elder arqyly jetkizilgeni anyqtalǵan kezde elderge qatysty qaıtalama sanksıalar qoldanylýy múmkin.
Bul rette Qazaqstannyń negizgi saýda seriktesteriniń biri retinde Reseı Federasıasymen tyǵyz saýda-ekonomıkalyq qatynastardy eskere otyryp, týyndaǵan táýekelderdi eskermeýge bolmaıdy.
Qazaqstandyq ekonomıka úshin zalalǵa jedel den qoıý jáne jol bermeý úshin QR QM Memlekettik kirister komıteti sanksıalyq tizimderge kiretin taýarlardyń ımporty men eksportyna turaqty monıtorıń júrgizedi.
Atalǵan taýarlardy Qazaqstan Respýblıkasynan Reseı Federasıasyna áketý kezinde memlekettik kirister organdarynyń elektrondyq shot-faktýrany kýálandyrý tetigi iske qosylǵan, bul taýardyń shyǵarylǵan elin aıqyndaýǵa múmkindik beredi.
Baqylaýdyń bul tetigi kedendik bajdardyń stavkalary EAEO Biryńǵaı keden tarıfinde belgilengennen tómen nemese «alyp qoıý taýarlary» dep atalatyn Qazaqstan Respýblıkasynyń aýmaǵynan taýarlardy áketýge jol bermeý maqsatynda Eýrazıalyq ekonomıkalyq odaqtyń kedendik aýmaǵyna taýarlardy ákelý men olardyń aınalymynyń keıbir máseleleri týraly Býrabaı hattamasy sheńberinde de qoldanylady.
Máselen, qańtar-mamyr aılarynda Reseı Federasıasymen taýar aınalymy ótken jylmen salystyrǵanda aıtarlyqtaı ózgerister baıqalǵan joq.
Bul rette tabıǵı ýran, bolattan jasalǵan tutas taptamaly dóńgelekter jáne dızel otyny sıaqty jekelegen taýar pozısıalary boıynsha, ıaǵnı eksport úshin dástúrli bolyp tabylatyn qazaqstandyq óndiristiń taýarlary boıynsha, onyń ishinde Reseı Federasıasyna eksporttyń ósýi baıqalady.
Osylaısha, taýarlardyń jekelegen toptarynyń Reseı Federasıasyna eksportynyń ósýine qaramastan, sanksıalyq tizimge kiretin taýarlardy Qazaqstan Respýblıkasy arqyly keri eksporttaý faktileri baıqalmaıdy.